Hezkuntza-proiektua

⸻ Ikasleen prestakuntza integrala⸻

Lizarra Ikastolaren hezkuntza-proiektuaren abiapuntua pertsona gure hezkuntza-jarduera guztiaren lehentasunezko zentrotzat hartzea da, eta irakaskuntza-lana ikasleen prestakuntza integralean eta haren irteera-profilean bideratzea.

Ikasleen irteera profila

EUSKALDUN ELEANITZA

ezberdinetan askatasunez aukera gehiago izateko (ikasi, lan egin, bizi…)

EUSKALDUN KONPROMETITUA

Euskara eta Euskal Kulturarekiko konpromisoa duena; era positiboan euskararekiko jarreraren inguruan hausnartuz eta erabilera indartzeko ekimenetan parte hartuz, euskara eta euskal kultura bere inguruan sustatzeko.

KRITIKOA

Errealitateko gai ezberdinen inguruan arrazoi koherenteak emango dituena; euskarri anitzetan ikuspegi ezberdineko informazio iturriak autonomiaz aztertuz eta kontrastatuz, iritzi propioak izateko gaitasuna bermatzeko.

IKASLE KOOPERATIBOA

Taldean lan egiten dakiena; errespetuz eta aktiboki entzunaz, parte hartze eraikitzailez eta taldearen aniztasunarekin aberastuz, elkarrekin hobekuntzak bideratzeko.

AUTONOMOA-ARDURATSUA

Egoerei jarrera positiboz erantzuten diona; horretarako proposatutako aukera anitzei aurre eginez, eta norbere indargune zein hobetu beharreko alderdiez kontziente izanik; oraingo nahiz etorkizuneko ikasketak eta bizi proiektua ziurtasunez kudeatzeko.

SORTZAILEA-BERRITZAILEA

Egoera ezberdinen aurrean irtenbide berriak bilatzen eta baloratzen dakiena; alternatiba ezberdinak arakatuz, ingurua aberasteko eta aniztasuna bultzatzeko.

BEGIRUNETSUA

Gainerakoekiko enpatia duena; bere buruaren eta besteen egoera emozionalaz eta dohainez jabetuz, eta ingurumenaren balioaz ohartzeko ekimenetan parte hartuz; gizartearen eta naturaren aniztasuna era positiboan sentitzeko.

EMOZIOEN JAKITUN

Emozioak kudeatzen dakiena; nor bere emozioak ezagutuz, besteenak identifikatuz eta autoerregulazioaren bidez negatiboak birziklatuz ; garapen pertsonal orekatua izateko.

OSASUNTSUA

Osasun ohitura egokiak dituena; bere gorputzaren kontzientzia hartuz, jarduera fisikoa maiztasunez praktikatuz eta elikadura zainduz; bizi kalitatea izateko.

EKINTZAILEA

Ideiak gauzatzen dituena; ingurunea ezagututa planifikatuz eta baliabideak (digitalak…) ongi aprobetxatuz; beharrei erantzungo dien gizarte dinamikoa bultzatzeko.

KULTURA ZIENTIFIKODUNA

Prozedura zientifikoa erabiltzen dakiena; teoria zientifikoak ezagutuz, elementuak manipulatuz eta akatsetatik ikasiz; iritzia ideia sendoetan oinarritzeko eta kultura zientifikoa bultzatzeko.

Apustu pedagogikoa eta xedea

Lizarra Ikastolako langileen etengabeko prestakuntzak, baita hezkuntza joera berriak eta baliabide teknologiko berriak sartzeak ere, ikastetxearen metodologia zehazten dute.

Lizarra Ikastolaren pedagogiaren helburu nagusia gaitasun kognitibo, psikomotor, komunikatibo, afektibo eta gizarteratzeko gaitasunak garatzea da, etengabe aldatzen ari den gizarte batean txertatzeko gai diren pertsonak prestatzen laguntzeko. Prozesu horretan hiru inteligentzia-mota erabiltzen dira: adimen bertikala, arrazoibide logikoan, hitzezkoan eta mugimenduzkoan oinarritua; adimen emozionala, sentimenduei, balioei eta jarrerei lehentasuna ematen diena; eta, azkenik, alboko adimena, sormena sustatu nahi duena.

Helburu horiek betetzeko funtsezko tresnak bizikidetzarako eta aniztasunari erantzuteko plan batean oinarritzen dira.