Lizarra Ikastolan elkarbizitza osasuntsua hezkuntza-proiektuaren funtsezko ardatza da. Helburu horrekin garatu dugu Elkar-Ekin programa, eskola-jazarpenaren prebentzioan eta harreman positiboen sustapenean oinarritutako ekimena.

Elkar-Ekin ikuspedi prebentibo eta komunitarioa duen programa da. Ez du soilik gatazka edo egoera zehatz bati erantzuten; ikastetxe osoa inplikatzen duen kultura hezitzailea eraikitzea du xede, non errespetua, segurtasuna eta ongizatea egunerokoaren parte diren.

Programaren oinarrien ideia argi bat dago: ikasle guztiek dute zeregina. Horregatik, ez da arreta biktiman edo erasotzailean soilik jartzen; talde-dinamikak, ikusleen papera eta erantzukizuna lantzen dira. Gelako lanean modu esplizituan garatzen dira enpatia, errespetua, ausardia soziala eta bestearen ardura.

Elkar-Ekin programak honako hauek uztartzen ditu:

• Prebentzio-lana, ikasleen adinera eta etapara egokitutako saioen bidez.
• Detekzio goiztiarra eta esku-hartze argi eta koordinatua.
• Irakasleen, familien eta orientazio departamenduaren arteko lankidetza estua.

Ikuspegi honen bidez, ikasleek gatazak modu osasuntsuan kudeatzen ikasten dute, egoera desegokien aurrean jarrera aktiboa hartzen dute eta konfiantzan oinarritutako eskola-ingurunea eraikitzen laguntzen dute.