⸺Hezkuntza-eredua ⸺
Antolakuntza
Autonomian eta ukitutako sektore guztien partaidetzan oinarritutako hezkuntza eredura jotzen du ikastetxeak, bere ahalegin eta baliabideen bitartez. Ikastola kudeatzeko, bere hezkuntza proiektuari atxikitako lantaldeak finkatu nahi dira, eta ezinbestekotzat jotzen da irakasle-talde egonkor, dinamiko eta konprometitua.
Klik egin irudiaren gainean grafikoa handitzeko.
Kooperatibismoa
Gurasoen parte-hartzea funtsezkoa da gure ikasleengan jokabide egokitu, solidario eta arduratsua eraikitzeko.
Familien ordezkaritza
Gurasoek parte hartzeko organo ofizialez gain, Guraso Batzordea eta Eskola Kontseilua, Lizarra Ikastolan ordezkariak daude, bi eginkizun dituztenak:
- Maila ezberdinetan Ikastolan lantzen ari direnari buruzko informazioa duten pertsonak izatea, iradokizunak egin eta beren gelako familien iritzia helarazteko.
- Familien parte-hartzea bizirik mantentzea ikasgela berean, Ikastola beretik ateratzen diren proposamenekin lotuta.
Parte hartzeko eta komunikatzeko kudeaketa-eredua
Lizarra Ikastolaren kudeaketa-eredua parte-hartzailea eta komunikatiboa da, eta eskola-komunitateko kide guztiek (familia, ikasleak, irakasleak…) modu koherente, koordinatu eta solidarioan parte hartzea du helburu, ezarritako bitartekoen bidez (Kooperatibaren Batzarra, Guraso Batzordea, Eskola Kontseilua, ikasleen eta familien ikasturteko ordezkariak).